लोक देवता सरपां रे देवता गोगाजी महाराज री कहाणी, हिंदू मुस्लिम स्सै आंनै पूजै

“पाबू हड़बू रामदे मांगळिया मेहा, पांचू पीर पधारजौ गोगाजी जेहा” राजस्थान रे लोक में ओ दूहो भौत चाव सू सुणिजै।दूहे में पांचो पीरां में एक गोगाजी ई है।गोगाजी रो जलम वि. स. 1003 में चुरू के ददरेवा में होयो।गोगाजी नैं जाहरपीर ई केइजै।हिंदू मुस्लिम स्सै आंनै पूजै, इण रो कारण आंरा गुरु गोरखनाथ है।कायम खानी मुस्लिम समाज वांनै जाहर पीर रे नांव सू पुकारै अर उण जिग्यां पर माथौ टेकने और मन्नत माँगने आते हैं। इस तरह यह स्थान हिंदू और मुस्लिम एकता का प्रतीक है।गोगाजी रो जलम चुरू रे ददरेवा गांव में चौहान वंश रा राजपूत शासक जेवरसिंह री अरधांगणी बाछल रै गरभ सूं गुरु गोरखनाथ रै वरदान सू भादो सुदी नौमी नैं हुयौ।

लोक गी आपगी मान्यता गे मुताबिक गोगाजी नैं सरपां रे देवता रे रूप में मानै अर इणी कारण वांनै गोगाजी, गुग्गा वीर, जाहिर वीर,राजा मण्डलिक जाहर पीर नामां सू पुकारै।लोक धारणा ओ है के सरप डस्येडै़ कोई बंदे नैं गोगाजी के मंदिर या वांरै नांव रो डोरो बांध देवै तो सही हो ज्यावै।श्रावण में शुक्ल पूर्णिमा सूं लेय’र भादरवै रै च्यानणी पूर्णिमा तांई गोगा मेड़ी रै मेले में वीर गोगाजी री समाधि अर जाहिर वीर रे जयकारां साथै गोगाजी अर गुरु गोरक्षनाथ रै मुजब भक्ति री धारा बगै ही।ददरेवा में जातरू आंवता रेवै।हरबरस लाखूं लोग गोगा रै मंदिर में माथौ टेक अर छड़ियाँ री विशेष पूजा करै।न फकत धोक लगावै, बठै अखाडे़ में ई बेठै।

वाद्ययंत्रां में डैरूं अर कांसी रो कचौळौ विशेस रूप सूं बजायौ जावै।ईं टेम अखाड़े में जातरुओं मांऊं एक जातरू आपगै सरीर पर पूरे जोर सू लो’गी सांकळां मारै।मान्यता है के गोगाजी नैं संकलळाई आवै जद इंया हुवै।हनुमानगढ जिले गी नौहर तै’ सील में गोगागमेडी़ गोगाजी गो दूसरो स्सै ऊं बडौ मंदिर है।

ईंगी स्से ऊं आकरसक बात आ है के अठै हर जाति सम्प्रदाय का लोग मिलैं।जठै एक हिन्दू अर एक मुस्लमान पुजारी खड़्या रहवै।प्रदेश री लोक संस्कृति में गोगाजी रे प्रति अपार आदर भाव देखता थकान केय सकां के गाँव-गाँव में खेजड़ी, गाँव-गाँव में गोगा वीर गोगाजी रो आदर्श व्यक्तित्व भक्तजनों के लिए सदैव आकर्षण का केन्द्र रहा है।

जयपुर ऊं लगभग 250 किमी अळगै सादलपुर तांई ट्रेन ऊं जायौ जा सकै अर ज्जे सड़क ऊं जाणौ चावौ तो जयपुर ऊ सादलपुर अर सादलपुर सू 15 किमी दूर स्थित दत्तखेड़ा मांय गोगाजी रो जलम स्थान तांई बस या टैक्सी से पहुंची जा सके।